Kegiatan deng Lokakarya

Katong seng cuma terjemahkan Alkitab ka dalang bahasa Malayu Ambon, mar katong jua tolong biking babarapa seminar pake bahasa Malayu Ambon. Seminar-seminar tu macang:

  • Penggunaan Alkitab dalam Bahasa Lokal/Penggunaan Bahasa Daera dalam Pelayanan. Katong biking lokakarya ni par bantu orang-orang mangarti kalo bahasa lokal tu pantas par pake dalang pelayanan.
  • Hidup yang Dipulihkan. Katong biking lokakarya ni par bantu orang-orang yang su parna alami trauma atau luka hati biar dong bisa pulih dar dong pung keadaan.
  • Liturgi Kontekstual. Katong biking lokakarya ni tagal katong mau tolong orang biar dong bisa pake Malayu Ambon waktu somba Tuhan sama-sama. Katong harap ada banya kesenian lokal dalang katong pung liturgi macang tari-tarian biar ibada tu lebe hidop. Ada rencana par uji coba samua bahan liturgi yang su ada dalam bahasa Ambon.
  • Berjalan Keluar dari Konflik Komunal. Katong biking lokakarya ni par bantu orang-orang yang parna ada parang antar kampong, parang sodara, atau yang ada bakalai soal tana dll, biar dong tau akang pung akar masala deng bagaimana dong bisa atasi akang. Dong jua bisa balajar bagaimana dong bisa tarus hidop dame.
  • Pengasuhan Anak. Katong biking lokakarya ni par bantu orang tua ka calon orang tua sapa sa biar dong mangarti kalo waktu dong kasi disiplin dong pung ana itu bukan par biking anana iko apa yang orang tua bilang atau orang tua mau, mar itu par ajar ana jadi berkat par orang laeng.